Back to the Map

ALARM ပတ်ဝန်းကျင်ရေးရာ ဓာတ်ခွဲခန်း (A.E Lab)

ပိုမိုကောင်းမွန်သော အုပ်ချုပ်မှုဖြစ်ပေါ်လာစေရန်အတွက် သဘာဝပတ်ဝန်းကျင်ဆိုင်ရာ စောင့်ကြည့်လေ့လာရေး
စွန့်ပစ်အမှိုက်နှင့် ညစ်ညမ်းမှု

နောက်ခံအကြောင်း

လွန်ခဲ့သော သုံးလေးနှစ်အတွင်း မြန်မာနိုင်ငံတွင် စီးပွားရေးလုပ်ငန်းများ တဟုန်ထိုး များပြားလာခြင်းနှင့် သဘာဝပတ်ဝန်းကျင်ဆိုင်ရာ စည်းကမ်းထိန်းသိမ်းရေးအခြေခံစည်းမျဉ်းများ မရှိခြင်း သို့မဟုတ် ကင်းမဲ့ခြင်းကြောင့် ပတ်ဝန်းကျင်အပေါ် ထိခိုက်မှုစေနိုင်သော အန္တရာယ်များ ပိုမိုများပြားလာသည်။ ဤအခြေအနေအရ ရင်းနှီးမြှုပ်နှံမှု စီမံကိန်းများ၏ အကျိုးသက်ရောက်မှုများကို စောင့်ကြည့်ပြီး ပတ်ဝန်းကျင်ပျက်စီးမှု ဖြစ်ပေါ်လာပါက သိပ္ပံနည်းကျ အထောက်အထားပေးနိုင်သော နည်းလမ်းတစ်ခု လိုအပ်ကြောင်း သိသာထင်ရှားလာခဲ့သည်။

စီမံကိန်း

၂၀၁၃ ခုနှစ်တွင် ပတ်ဝန်းကျင်ဆိုင်ရာ အုပ်ချုပ်မှု တိုးတက်စေရန်အတွက် ALARM ပတ်ဝန်းကျင်ရေးရာ ဓာတ်ခွဲခန်း “A.E Lab” ကို ရန်ကုန်မြို့တွင် ထူထောင်ခဲ့သည်။ ၎င်းသည် ရေ၊ လေနှင့် မြေထုအတွင်း သဘာဝပတ်ဝန်းကျင်ဆိုင်ရာ အညွှန်းကိန်းများကို စောင့်ကြည့်သော မြန်မာ့ပထမဆုံး ဓာတ်ခွဲခန်းဖြစ်သည်။ ညစ်ညမ်းမှုအဆင့်များကို တိုင်းတာသတ်မှတ်ပေးရန် ပြည်နယ်နှင့် တိုင်းဒေသကြီးအားလုံးမှ တောင်းဆိုမှု ပိုမိုများပြားလာသဖြင့် A.E Lab သည် လာရောက် ဓာတ်ခွဲစမ်းသပ်ပေးရန် ရွေ့လျားဓာတ်ခွဲခန်းတစ်ခုကို ထူထောင်ခဲ့ပြီး သဘာဝပတ်ဝန်းကျင်ဆိုင်ရာ အရေးပေါ်ဖုန်းလိုင်း (+၉၅၉ ၄၀၇၄၉၆၀၇၈) ကိုလည်း ထားရှိသဖြင့် ပတ်ဝန်းကျင်ဆိုင်ရာ အရေးကိစ္စများ ဖြစ်ပေါ်လာပါက မည်သူမဆို သတင်းပို့နိုင်သည်။ သဘာဝပတ်ဝန်းကျင်ကို စောင့်ကြည့်ပြီး တိကျမှန်ကန်သော သဘာဝပတ်ဝန်းကျင်ဆိုင်ရာ စီမံချက်များ ချမှတ်ခြင်းသည် ပတ်ဝန်းကျင်ညစ်ညမ်းမှု ဖြစ်စေသော အကြောင်းရင်းများကို တိုက်ဖျက်ရန်နှင့် အရပ်ဖက်အဖွဲ့အစည်းများက ဦးဆောင်သော သဘာဝပတ်ဝန်းကျင်ဆိုင်ရာ ထောက်ခံအားပေးမှု ပေါ်ပေါက်လာစေရန်အတွက် အလွန်အရေးပါသော ခြေလှမ်းများ ဖြစ်သည်။

အဖွဲ့အစည်း

စိမ်းလန်းအမိမြေ ဖွံ့ဖြိုးတိုးတက်ရေးအသင်း (ALARM) သည် အကျိုးအမြတ် မမျှော်ကိုးသော မြန်မာ NGO အဖွဲ့တစ်ဖွဲ့ဖြစ်ပြီး ခေတ်အလိုက် ရာသီဥတုပြောင်းလဲမှု၊ သဘာဝပတ်ဝန်းကျင်ဆိုင်ရာ တရားဥပဒေနှင့် အုပ်ချုပ်မှုတို့မှတစ်ဆင့် မြန်မာနိုင်ငံ၏ ဒီမိုကရေစီအသွင်ကူးပြောင်းမှုနှင့် ရေရှည်တည်တံ့သော ဖွံ့ဖြိုးတိုးတက်မှုတို့ကို လက်ရှိမူဝါဒအခြေခံမူဘောင်များနှင့် အဖွဲ့အစည်းများအတွင်း ပါဝင်လာစေရန် ရည်ရွယ်ထားသည်။

A.E Lab သည် ရေအရည်အသွေးအညွှန်းကိန်း ၃၉ ခု၊ လေအရည်အသွေး အညွှန်းကိန်း ၁၈ ခု၊ မြေအရည်အသွေး အညွှန်းကိန်း ၆ ခု၊ အဏုဇီဝဗေဒဆိုင်ရာ အညွှန်းကိန်း ၆ ခုနှင့်တကွ ကွင်းဆင်း စမ်းသပ်စစ်ဆေးခြင်းနှင့် နမူနာယူခြင်းတို့ကို လုပ်ဆောင်နေသည်။ A.E Lab သည် တိုင်ပင်ဆွေးနွေးရေး ဝန်ဆောင်မှုများကို ဆောင်ရွက်ပေးနေသည်။
ALARM အဖွဲ့သည် စက်မှုဇုန်အတွင်းရှိ စက်ရုံတစ်ခုစီ၏ အမှန်တကယ်စွန့်ထုတ်မှုကို ခန့်မှန်းနိုင်ရန် ဖန်ဘူးစမ်းသပ်မှုများကို ဆောင်ရွက်သည်။ မုံရွာစက်မှုဇုန်အတွင်းရှိ သဘာဝပတ်ဝန်းကျင်ဆိုင်ရာ ပြဿနာများကို ဖြေရှင်းရန်အတွက် ဗဟိုကထိန်းချုပ်ထားသော ရေဆိုးသန့်စင်ရေးစက်ရုံတစ်ခုကိုလည်း တဖြည်းဖြည်းတည်ဆောက်သွားရန် လျာထားသည်။
A.E Lab မှ နည်းပညာရှင်တစ်ဦးက တနင်္သာရီတိုင်းဒေသကြီး၊ ထားဝယ်မြို့ရှိ ခဲမဖြူ-အဖြိုက်နက် တူးဖော်ရေးလုပ်ငန်းတစ်ခုရှိ ပတ်ဝန်းကျင်လေထု အရည်အသွေးစမ်းသပ်စစ်ဆေးမှုကို လုပ်ဆောင်နေစဉ်။ သတ္ထုတူးဖော်ရေးလုပ်ငန်း စီမံကိန်းများ၏ သဘာဝပတ်ဝန်းကျင်ဆိုင်ရာ စီမံခန့်ခွဲရေး အစီအစဉ်များတွင် ဤစမ်းသပ်မှုရလဒ် အစီရင်ခံစာများကို မဖြစ်မနေ ထည့်သွင်းရန် ဥပဒေတွင် ပြဋ္ဌာန်းထားသည်။
A.E Lab က ရေနှင့် အနည်အနှစ် နမူနာယူခြင်းနှင့် စမ်းသပ်စစ်ဆေးခြင်းကို လုပ်ဆောင်နေစဉ်။ ပဲခူးတိုင်းဒေသကြီးရှိ မိုးယွန်းကြီးအင်းတွင် ရေခွဲဝေရေးလုပ်ငန်းဆိုင်ရာ ဤလေ့လာမှုလုပ်ဆောင်ရန် NLD ၏ သဘာဝပတ်ဝန်းကျင်ဆိုင်ရာ ကော်မတီနှင့် ပဲခူးတိုင်းဒေသကြီးအစိုးရက တောင်းဆိုခဲ့သည်။ ဤလေ့လာမှု၏ ရည်ရွယ်ချက်မှာ ဆည်မြောင်းစနစ်နှင့် သဘာဝပတ်ဝန်းကျင်ဆိုင်ရာ လုပ်ငန်းဆောင်တာတို့အတွက် ဂေဟဆိုင်ရာနှင့် ဇလဗေဒဆိုင်ရာအရ အင်းအိုင်စိမ့်မြေများက မည်မျှရေရှည်တည်တံ့နိုင်မည်ကို သိရှိနိုင်ရန်အတွက် ဖြစ်သည်။
အကောင်အထည်ဖော်သူ
ငွေကြေးပံ့ပိုးသူ
Next project

ဒေသခံပြည်သူအစုအဖွဲ့ပိုင် သစ်တောလုပ်ငန်းကို ဒေသခံအုပ်ထိန်းသူများက ကူညီဆောင်ရွက်မည်

သစ်တောနှင့် တောရိုင်းတိရစ္ဆာန် ထိန်းသိမ်းစောင့်ရှောက်ရေး မြှင့်တင်ရန် ဒေသနေပြည်သူများကို လုပ်ပိုင်ခွင့်ပေးမှု

Back to the Map